保 險 似 d 乜？

■ 咪好似亞媽同埋亞爸咁，同你講野都嫌煩，到冇左佢又要佢個陣，喊都無謂。

■ 咪好似你老婆／老公咁，平時唔多起眼，要時又覺得佢懐好使好用。

■ 咪好似件爛綿衲咁，幾乎話送俾你都唔要，但要起上黎一件都話唔夠。

■ 咪好似個屎坑擦咁，專門處理埋你d蘇州屎。

■ 咪好似讀書咁，書到用時方恨少。

■ 咪好似學佛咁，要靠平時做工夫，咪使至意臨急抱佛腳。

■ 咪好似個二奶咁，冇乜地位，既要收錢又商業化，但係又最能解決你既需要。

■ 咪好似捐血咁，捐俾人個時，耍手擰頭。要人捐俾自己個時，又想大把人幫手。

■ 咪好似銀紙咁，俾個時嫌多，"才羅" 個時嫌少。

■ 咪好似d藥物咁，頭痛藥醫頭，腳痛藥醫腳。冇話 "才羅" 頭痛藥醫腳。醫唔好，係你食錯藥嗟。

■ 咪好似d山草藥咁，要佢時係寶，唔要佢時係爛草。

■ 咪好似去旅行帶埋樽肚屙丸，唔可以冇左佢。有佢又未必用得著。

■ 咪好似屋企套百科全書咁，買左番黎，眼都唔望下，得個擺字。遇到問題時，先至黎亂查，拿手唔成勢。

■ 咪好似屋企d盤栽，連一個星期淋次水都懶，但係又想佢快高長大。

■ 咪好似d老師咁，有問必答。但係唔會有求必應。

***********************************************************

■ 保險唔似d乜？

■ 咪唔似賭錢，買左千祈咪望買中！

(完)

Source: www.unionfaith.com.hk